Маркази таълимии минтақавии оид ба масъалаҳои маводи тарканда (МТММТ)

Маркази таълимии минтақавии оид ба масъалаҳои маводи тарканда (МТММТ) пояи амният ва субот дар Осиёи Марказӣ мебошад. МТММТ, ки соли 2019 ҳамчун як муассисаи доимӣ таъсис ёфтааст, аз доираи ташаббусҳои муваққатӣ берун баромада, як платформаи доимӣ ва мутамарказро барои эҷоди тавонмандӣ ва мубодилаи дониш дар соҳаи безараргардонии муҳимоти тарканда (БМТ) фароҳам меорад.

Таҳкими амнияти минтақавӣ

Барномаи таълимии стандартшудаи МТММТ ва дастурдиҳандагони соҳибихтисос ба  иштирокчиён аз тамоми кишварҳои аъзои САҲА дар Осиёи Марказӣ малакаҳои зарурӣ ва таҷрибаҳои пешқадамро барои мубориза бо таҳдидҳои муосири амният пешниҳод мекунанд. Бо пешбурди равиши ягона ва ҳамкорӣ дар ҳалли ин мушкилоти фаромиллӣ, Марказ ба муҳити бештар устувор ва бехатари минтақавӣ фаъолона саҳм мегузорад. 

 Институтсионализатсия дар ин комёбӣ нақши асосӣ мебозад. Он барои таҳияи стратегияи дарозмуддат, ки бевосита ба эҳтиёҷоти мушаххаси амнияти минтақавӣ ҷавобгӯ аст, имкон медиҳад. Ин муттасилии омӯзишро таъмин мекунад, қодир месозад, ки барномаи таълимӣ ба таҳдидҳои пайдошаванда зуд мутобиқ шавад ва эътимоди МТММТ -ро таҳким бахшад. Ин муҳити ҳамкорӣ барои ҳалли самараноки мушкилоти муштараки амният муҳим аст. 

Шабакаи коршиносон

Ҳамчун меҳвари табодули дониш ва таҷрибаи техникӣ, МТММТ шабакаи пурқуввати коршиносон ва таҷрибаомӯзони минтақавиро таъсис додааст. Ин ҷомеа як манбаи арзишманд барои татбиқи қарорҳои навоваронаи вобаста ба амният ва ҳалли мушкилоти нав мебошад. Мақоми институтсионалии МТММТ инчунин барои ба роҳ мондани шарикии муҳим бо созмонҳои байналмилалӣ ва муассисаҳои таълимӣ мусоидат намуда, таъсир ва фарогирии онро дар саросари ҷаҳон ба таври назаррас васеъ мекунад.  

Марҳилаҳои асосӣ

МТММТ дар рушди худ ҳамчун маркази пешқадами таълимии минтақавӣ муваффақияти назаррас ба даст овард:

• 2019: Таъсис: Маркази таълимии минтақавии оид ба масъалаҳои маводи тарканда сохта шуд.
• 2021-2022: Омода кардани дастурдиҳандагон: Шаш корманди миллии МТММТ курси омӯзишии Фармондеҳии Марказии Қувваҳои Мусаллаҳи Иёлоти Муттаҳидаи Амрикоро (USARCENT) хатм намуданд ва соҳиби шаҳодатномаҳои дастурдиҳандагони БМТ, сатҳҳои 1-3 шуданд.
• 2022-2024: Давраҳои омӯзиш: Ду давраи мукаммали омӯзишии БМТ (сатҳҳои 1-3) аз ҷониби дастурдиҳандагони миллии тоҷикистонӣ бо иштирок ва назорати USARCENT бомуваффақият гузаронида шуд, ки ин сифати баланди кори дастаи миллиро тасдиқ кард.
• феврали 2023с.: Институтсионализатсия: Вазири мудофиаи Ҷумҳурии Тоҷикистон дастур дод, ки дар он ба таври расмӣ институтсионализатсияи МТММТ ҳамчун сохтори алоҳида бо низоми ташкилӣ ва иқтидори амалиётии худ дар ҳайати Вазорати мудофиа таъмин карда шавад.
• августи 2024с.: Аккредитатсияи миллӣ: МТММТ расман иҷозатномаи миллӣ/давлатӣ (аккредитатсия) барои пешбурди фаъолияти таълимӣ аз Агентии назорат дар соҳаи маориф ва илми назди Президенти Ҷумҳурии Тоҷикистон гирифт.  

сентябри 2024с. : Роҳбарӣ дар сатҳи минтақавӣ: Аввалин давраи омӯзишии БМТ, ки комилан аз ҷониби дастурдиҳандагони тоҷикистонӣ гузаронида шуд, бо иштироки таърихии ҳамаи панҷ кишвари Осиёи Марказӣ: Қазоқистон, Ҷумҳурии Қирғизистон, Тоҷикистон, Туркманистон ва Ӯзбекистон оғоз ёфт.