Механизми ҳамоҳангсозии Шӯрои байналмиллалии таълим (ШБТ)
Шӯрои байналмилалии таълим (ШБТ) ҳамчун як платформаи беназири бисёрҷониба хидмат мекунад, ки барои таҳкими ҳамоҳангсозӣ ва ҳамкорӣ байни шарикон ҷиҳати коҳиш додан ва рафъи хатари воситаҳои тарканда дар Осиёи Марказӣ ва берун аз он кор мекунанд. Ин як механизми муҳим барои таъмини он аст, ки ҳалли муассир дар ин соҳаи муҳими техникӣ аз ҷониби шарикони барнома, донорҳо ва мансабдорони дахлдори давлатӣ якҷоя мувофиқа ва амалӣ карда мешаванд. ШБТ ба ҳамкории мунтазам ва сохторӣ бо коршиносон ва муассисаҳои байналмилалӣ мусоидат намуда, ба амнияти минтақавӣ саҳми назаррас мегузорад.
Иштирокчиён ва доираи фаъолияти
Шабакаи мазкур пеш аз ҳама мутахассисони Осиёи Марказиро муттаҳид месозад, ки дар соҳаҳои марбут ба хатари воситаҳои тарканда кор мекунанд. Иштирокчиён намояндагони Котиботи САҲА, амалиёти саҳроии САҲА дар Осиёи Марказӣ ва кишварҳои аъзои САҲА дар саросари минтақаро дар бар мегиранд. Ҳадафи платформа инчунин муттаҳид намудани таҷрибаи ҷомеаи васеътари коршиносони минтақавӣ ва байналмилалӣ ва муассисаҳои таълимии тахассусӣ мебошад.
Давомнокӣ ва шакли вохӯриҳо
Тибқи нақшаҳои ҷорӣ, ШБТ дар як сол ду маротиба, маъмулан дар семоҳаи якум ва чорум гузаронида мешавад. Вохӯриҳо ба таври навбатӣ дар Осиёи Марказӣ ё дар ҳудуди дигар кишварҳои дахлдори хориҷӣ ташкил карда мешаванд. Барои таъмини дастрасии бештар ва тағйирпазирӣ, ШБТ инчунин метавонад онлайн ё дар формати омехта баргузор карда шавад.
Ҳадафҳои асосӣ
Ҳадафи асосии ШБТ таҳкими ҳамкорӣ ва табодули иттилоот байни ҷонибҳои асосии манфиатдор доир ба масъалаҳои коҳиш додани хатари воситаҳои тарканда, вокуниш ба онҳо ва ба ин васила саҳм гузоштан ба амният ва суботи минтақа мебошад.
Аз ҷумла, барои ноил шудан ба ҳадафҳои зерин ШБТ кӯшиш менамояд:
- Ҳамоҳангсозии самарабахшро таъмин намояд: мусоидат ба иштироки самарабахши мутахассисони Осиёи Марказӣ дар чорабиниҳои минтақавӣ ва курсҳои омӯзишӣ доир ба хатари воситаҳои тарканда.
- Тачрибаи пешкадамро мубодила намояд: ташкили форуми сохторӣ барои табодули таҷриба ва амалияҳои пешқадам дар соҳаи коҳиш додани хатари воситаҳои тарканда ва вокуниш ба онҳо.
- Мубодилаи захираҳоро беҳтар намояд: беҳтар намудани табодули дониш, таҷриба, технология ва захираҳои молиявӣ дар соҳаи фаъолияти минаҳо тавассути шарикии қавии бисёрҷониба.
- Сифатро таъмин намояд: ҳамчун қисми ҷудонашавандаи раванди санҷиш ва тасдиқи мутобиқати таълим ба стандартҳои дахлдори байналмилалӣ амал кунад.
- Ба муносибатҳои шарикӣ дар минтақа мусоидат намояд: таҳкими ҳамкорӣ байни баҳрагирандагон аз Осиёи Марказӣ ва намояндагони муассисаҳои таълимии байналмилалӣ, марказҳои такмили ихтисос ва ҷомеаи коршиносон.
Механизми ҳамоҳангсозии мунтазам
Бо таваҷҷуҳ ба хусусият ва басомади баргузории вохӯриҳо ду маротиба дар як сол, ШБТ ҳамчун механизми мунтазам ва боэътимоди ҳамоҳангсозӣ хидмат намуда, шарикон, коршиносон ва муассисаҳои байналмилалиро, ки бо коҳиш додани хатари воситаҳои тарканда ва вокуниш ба онҳо дар минтақаи Осиёи Марказӣ машғуланд, муттаҳид месозад.
